खेलाडीलाई बक्सिङ संघको अंकुस

काठमाडौं : भनिन्छ, खेलाडी सबैका साझा हुन्छन् । खेलाडी जात, धर्म, लिङ्ग, धर्म, सम्प्रदायभन्दा माथि हुन्छन् । तर, नेपाल बक्सिङ संघले भने खेलाडीलाई आफ्नो पेवाका रुपमा राखेको छ । संघ बाहेकका काममा सहभागी हुन पनि अंकुस लगाएको छ ।
यसको ज्वलन्त उदाहरण हो, नेपाल लोकतान्त्रिक खेलकुद संघ, बागमती प्रदेशले बिहीबार आयोजना गरेको बिदाइ कार्यक्रम । सर्बियाको राजधानी बेलग्रेडमा आयोजना हुने आईबा वल्र्ड बक्सिङ च्याम्पियनसिपमा प्रतिस्पर्धा गर्न जान लागेका खेलाडी तथा प्रशिक्षकलाई खेल पोशाकसहित बिदाइ गर्ने कार्यक्रम तय गरेको थियो । त्यसका लागि संघले नेपाल बक्सिङ संघलाई पत्राचार समेत गरेको थियो । तर, कार्यक्रममा न खेलाडी सहभागी भए न त प्रशिक्षक नै ।


खेलाडी अनुपस्थित भए पनि लोकतान्त्रिक खेलकुद संघ, बागमती प्रदेशका अध्यक्ष दीपक गुरुङले लोकतान्त्रिक खेलकुद संघ संधै खेलाडीहरुको पक्षमा रहेको र उनीहरुको हक अधिकारका लागि सदैव अग्रस्थानमा रहने भन्दै उच्च मनोबलका साथ खेल्न शुभकामना दिए । उनले खेलाडीहरुको मनोबल उच्च राख्नका लागि विभिन्न नगद पुरस्कारको घोषणा समेत गरे । उनले प्रत्येक बाउट जिते बापत २५ हजार, स्वर्ण जितेमा १ लाख ५० हजार, रजतका लागि एक लाख र कांस्य पदक प्राप्त गरेमा ५० हजार रुपैयाँ प्रदान गर्ने घोषणा पनि गरे ।
खेलाडीहरु अनुपस्थित भएपछि च्याम्पियनसिपमा सहभागिता जनाउने चार खेलाडी र प्रशिक्षकका लागि प्रदान गर्न लागिएको खेल पोशाक संघका केन्द्रीय सदस्य ओमनारायण श्रेष्ठ हस्तान्तरण गरिएको थियो ।
बक्सिङ संघले खेल भावनाविरुद्ध काम गरेको भन्दै नेपाल लोकतान्त्रिक खेलकुद संघले घोर भत्र्सना गर्दै आपत्ति जनाएको छ । लोकतान्त्रिक खेलकुद संघ, बागमती प्रदेशका अध्यक्ष गुरुङले बक्सिङ संघको गैरजिम्मेवार र स्वच्ेछाचारी कार्यका विरुद्ध सम्वन्धित निकायलाई ध्यानाकर्षण गर्दै कारवाहीका लागि पहल गर्ने बताए । उनले आफू पनि नेपाल बक्सिङ संघको पूर्व महासचिव भएको भन्दै संघले खेलाडीहरुलाई राजनीतिमा मुछेको र संघले विधान विपरित कामहरु गरेको कारण संघका पदाधिकारीहरुबीच पनि बैमनस्यता देखिएको बताए ।


कार्यक्रममा बोल्दै संघका निवर्तमान अध्यक्ष राजीव श्रेष्ठले खेलकुदजस्तो स्वच्छ ठाउँलाई नेपाल बक्सिङ संघको अहिलेको कार्यसमितिले घरायसी संघका रुपमा सञ्चालन गरेको र खेलाडीलाई खेल भावनाविरुद्ध परिचालन गरेको आरोप लगाए ।
कार्तिक ८ गतेदेखि २० गतेसम्म सञ्चालन हुने च्याम्पियनसिपमा ४८ केजीमा रविन थापा, ५७ केजीमा पुरन राई, ६७ केजीमा सनिल शाही र ६३.५ केजीमा भूपेन्द्र थापामगरले प्रतिस्पर्धा गर्दै छन् ।

नेपाल बक्सिङ संघका केन्द्रीय सदस्य एवं प्रवक्ता श्याम अवालेले संघसँग समन्वय नगरी कार्यक्रम आयोजना गरिएका कारण खेलाडी र प्रशिक्षकलाई सहभागी गराउन नसकिएको जानकारी दिए । ‘पहिलो कुरा त लोकतान्त्रिक संघले नेपाल बक्सिङ संघसँग समन्वय नै नगरिकन कार्यक्रम आयोजना ग¥यो । अर्को कुरा बिहीबार ११ बजे कार्यक्रम भनेर १०ः४० मा मेल पठाएको छ’, प्रवक्ता अवालेले भने, ‘अनि कसरी खेलाडीलाई सहभागी गराउनु ?’

4 1 vote
Article Rating

LEAVE A COMMENT

guest
0 Comments
Inline Feedbacks
View all comments