शनिबार १८५७ जनामा कोरोना संक्रमण, २७ जनाको मृत्यु

काठमाडौं : पछिल्लो २४ घण्टामा थप १८५७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९४०९ पीसीआर परीक्षणमा १५१६ जना र ३७६७ एन्टिजेन परीक्षणमा ३४१ जना गरी १८५७ जनामा संक्रमण पुष्टि भएको हो ।

पछिल्लो २४ घण्टामा कोरोना भाइरस संक्रमणमुक्त हुनेको संख्या २२२२ रहेको छ भने संक्रमणका कारण २७ जनाको मृत्यु भएको छ ।शनिबार २ हजार २२२ जना संक्रमणमुक्त भएका छन्। हाल सक्रिय संक्रमितको संख्या ३६ हजार ८६६ रहेको छ।