नेपालमाला
४ असार २०७८, शुक्रबार 
काठमाडौं : हाल देशभर कोरोनाका सक्रिय संक्रमितको संख्या ५९ हजार ६२४ रहेको छ । काठमाडौं उपत्यकामा मात्रै सक्रिय संक्रमितको संख्या ११ हजार ९६८ छ । त्यसमध्ये काठमाडौंमा मात्रै ६ हजार ७३५ सक्रिय संक्रमित छन् । हाल ललितपुरमा दुई हजार ९८३ र भक्तपुरमा दुई हजार २५० सक्रिय संक्रमित छन् ।
काठमाडौं उपत्यकामा पछिल्लो २४ घण्टामा ५०८ जनामा संक्रमण पुष्टि भएको छ । पछिल्लो २४ घण्टामा १३ हजार ३७ वटा स्वाब नमुनाको परीक्षण गर्दा देशभर दुई हजार ७६८ जनामा संक्रमण देखिएको स्वास्थ्य तथा जनसंख्या मन्त्रालयले शुक्रबार जनाएको छ ।
पछिल्लो २४ घण्टामा देशभर चार हजार २० जना कोरोनामुक्त भएका छन् । यो अवधिमा कोरोनाका कारण ४४ जनाको मृत्यु पुष्टि भएको छ । पछिल्लो समय दैनिक नयाँ संक्रमितको संख्याको तुलनामा निको हुनेको संख्या बढ्दै गएको देखिन्छ ।
