नेपालमाला
३ असार २०७८, बिहीबार 
काठमाडौं : काठमाडौं उपत्यकामा पछिल्लो २४ घण्टामा ५७० जनामा कोरोना संक्रमण पुष्टि भएको छ । पछिल्लो २४ घण्टामा १२ हजार ४८४ वटा स्वाब नमुनाको परीक्षण गर्दा देशभर दुई हजार ६०७ जनामा संक्रमण देखिएको थियो । त्यसमध्ये काठमाडौं उपत्यकामा मात्रै ५७० संक्रमित थपिएका हुन् ।
पछिल्लो २४ घण्टामा थपिएका संक्रमितमा काठमाडौंमा मात्रै ४१३ जना छन् । यस्तै, ललितपुरमा १२१ र भक्तपुरमा ३६ संक्रमित थपिएका हुन् । पछिल्ला दिनमा उपत्यकामा दैनिक थपिने संक्रमितको संख्यामा कमी देखिएको छ ।
देशमा पछिल्लो २४ घण्टामा कोरोनाका कारण ३९ जनाको मृत्यु पुष्टि भएको छ । यस्तै, पछिल्लो २४ घण्टामा दुई हजार १४१ जना निको भएका स्वास्थ्य तथा जनसंख्या मन्त्रालयले बिहीबार जनाएको छ ।
