नेपालमाला
१० जेष्ठ २०७८, सोमबार 
लन्डन : लिभरपुल र चेल्सी इङ्लिस प्रिमियर लिगको शीर्ष चारमा रहँदै अर्को सिजन च्याम्पियन्स लिगका लागि छनोट भएका छन् । लिगको अन्तिम खेलमा आइतबार क्रिस्टल प्यालेसलाई २–० ले हराउँदै लिभरपुल तेस्रो भयो । लिभरपुलका लागि साडियो मानेले दुई गोल गरे । जितपछि लिभरपुलले ३८ खेलबाट ६९ अंक जोड्यो ।
चेल्सी भने पराजित भए पनि लेस्टर सिटीलाई पछि पार्दै चौथो स्थानमा रहन सफल भयो । चेल्सीसँगै लेस्टर सिटी पनि पराजित भएपछि चेल्सीले लेस्टरलाई एक अंकले पछि पार्दै चौथो स्थानमा रहन सफल भएको हो । चेल्सी एस्टन भिल्लासँग २–१ गोलले पराजित हुँदा लेस्टर सिटी टोट्टनहामसँग ४–२ ले पराजित भयो ।
टोट्टनामका स्ट्राइकर हेरी केनले प्रिमियर लिगको गोल्डेन बुट अवार्ड जित्न सफल भए । यस सिजन प्रिमियर लिगमा सर्वाधिक गोलकर्ता बन्दै केनले गोल्डेन बुट जितेका हुन् । इङ्ल्यान्डका फरवार्ड केनले यस सिजन २३ गोल गरे भने गोलका लागि १४ असिस्ट गरे । केनले लिभरपुलका मोहमद सलाहलाई पछि पार्दै गोल्डेन बुट जितेका हुन् । सलाहले २२ गोल गरे ।
चेल्सीले ३८ खेलबाट ६७ अंक जोड्न सफल भयो । यस्तै लेस्टर सिटीले ६६ अंक जोड्यो । अन्तिम खेलमा पराजित लेस्टर पाँचौं स्थानमा रह्यो । टोट्टनहाम भने ६२ अंक जोड्दै लिगको सातौं रहेर सिजनको अन्त्य ग¥यो । लेस्टरसँगै छैटौं स्थानको वेस्टहाम युनाइटेडले अर्को सिजन युरोपा लिग खेल्नेछ ।
इङ्लिस प्रिमियर लिगको उपाधि जितिसकेको म्यानचेस्टर सिटीले भने आफ्नो अन्तिम खेलमा सानदार जित निकाल्यो । म्यानचेस्टर सिटीले एभर्टनलाई ५–० गोलले पराजित ग¥यो । घरेलु मैदानमा सिटीलाई जित दिलाउन सर्जियो अग्युरोले दुई गोल गरे । यस्तै केभिन डी ब्रुन, गाब्रियल जिसस र फिल फोडेनले एक÷एक गोल गरे । उपाधि जित्ने क्रममा सिटीले ३८ खेलबाट ८६ अंक जोड्यो ।
