नेपालमाला
५ जेष्ठ २०७८, बिहीबार 
काठमाडौँ : पछिल्लो २४ घण्टामा काठमाडौँ उपत्यकामा ३ हजार २ सय ३२ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौँमा २६०० जना, भक्तपुरमा २२९ जना र ललितपुरमा ४०३ जना कोरोना संक्रमित भेटिएका छन् ।
पछिल्लो २४ घन्टामा २२ हजार ८७ नमूनाको कोरोना भाइरस (कोभिड-१९) परीक्षण गराउँदा ८३ सय ५ जनामा संक्रमण देखिएको छ। पीसीआरबाट २१ हजार ६९५ र एन्टिजेनबाट ३९२ नमूनाको परीक्षण गराउँदा ८३ सय ५ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घन्टामा कोरोना संक्रमणबाट थप १९० जनाको मृत्यु भएको मन्त्रालयले पुष्टि गरेको छ।यो सहित नेपालमा कोरोनाबाट मृत्यु हुनेको संख्या ४ ५ हजार ८४७ पुगेको छ। बिहीबार ६ हजार ५४३ जना कोरोनामुक्त भएका छन्।
मन्त्रालयका अनुसार हाल १ लाख १५ हजार ८५२ कोरोनाका सक्रिय संक्रमित छन्। यस्तै ९३२ जना क्वारेन्टाइनमा छन्।
