नेपालमाला
२९ बैशाख २०७८, बिहीबार 
काठमाडौँ : पछिल्लो २४ घण्टामा काठमाडौँ उपत्यकामा ३ हजार ५ सय ६२ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौँमा २७३३ जना, भक्तपुरमा ३४८ जना र ललितपुरमा ४८१ जना कोरोना संक्रमित भेटिएका छन् ।
बिहीबार देशभर थप ८९६० जनामा कोरोना संक्रमण पुष्टि भएको छ भने २४ घण्टामा २१४ जनाको कोरोना संक्रमणबाट मृत्यु भएको छ ।
त्यसैगरी २४ घण्टामा देशभर ८ हजार ९६० जनामा संक्रमण पुष्टि भएको छ। मन्त्रालयका अनुसार १९ हजार ४७४ को पीसीआर र ७७१ जनाको एन्टिजेन परीक्षण गर्दा ८ हजार ९६० जनामा संक्रमण पुष्टि भएको हो । योसँगै नेपालमा संक्रमितको कुल संख्या चार लाख ३१ हजार १९१ पुगेको मन्त्रालयले जनाएको छ ।
बिहीबार पाँच हजार ५५ जनाले भने कोरोना जितेका छन्। मन्त्रालयका अनुसार योसँगै नेपालमा कोरोना जित्नेको संख्या तीन लाख २१ हजार ५१८ पुगेको छ ।
नेपालमा सक्रिय संक्रमितको संख्या भने एक लाख नाघेको छ । मन्त्रालयका अनुसार बिहीबार सक्रिय संक्रमितको संख्या एक लाख पाँच हजार २०७ पुगेको हो ।
