नेपालमाला
१८ चैत्र २०७७, बुधबार 
काठमाडौं : ३९ सय १९ नमूनाको पीसीआर परीक्षणमा १६२ जनामा कोरोना भाइरस (कोभिड-१९) संक्रमण देखिएको छ। पछिल्लो २४ घन्टामा ३९सय १९ पीसीआर परीक्षण गराउँदा १६२ जनामा कोरोना पोजिटिभ देखिएको स्वास्थ्य तथा जनसंख्या मन्त्रालयले जनाएको छ।
जसमध्ये काठमाडौंमा ५० भक्तपुरमा ४ र ललितपुरमा १३ जना गरी ६७ जनामा कोरोना संक्रमण पुष्टि भएको छ। यस्तै बुधबार ३८ जना आइसीयूमा भर्ना भएका छन् भने जसमध्ये ५ जनाको भेन्टिलेटरमा उपचार भइरहेको मन्त्रालयले जनाएको छ।
मन्त्रालयका अनुसार पछिल्लो २४ घन्टामा थप ५९ जना कोरोना संक्रमणमुक्त भएका छन्। यो सहित नेपालमा कोरोना संक्रमणबाट मुक्त हुनेको संख्या २ लाख ७२ हजार ७८६ पुगेको छ।
यस्तै ५९ जना क्वारेन्टाइनमा र १४ सय ९३ जना आइसोलेसनमा रहेको मन्त्रालयले जनाएको छ। कोरोनाबाट बच्न मास्कको उचित तरिकाले प्रयोग गर्न र अनावश्यक भीडभाडमा नजान र सामाजिक दूरी कायम गर्न स्वास्थ्य मन्त्रालयले आग्रह गरेको छ।
