पछिल्लो २४ घण्टामा ११२ जना कोरोना संक्रमित थपिए

कठमाडौं : पछिल्लो २४ घण्टामा ११२ जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार तीन हजार ४११ जनाको पीसीआर परीक्षण गर्दा ११२ जनामा संक्रमण पुष्टि भएको छ ।

थप ८४ जना डिस्चार्ज भएका छन् भने १ जनाको मृत्यु भएको छ । योसँगै नेपालमा कुल संक्रमितको संख्या २ लाख ७३ हजार ८७२ पुगेको छ भने २ लाख ७० हजार २२३ जना निको भएका छन् ।

सक्रिय संक्रमित ८८२ रहेको नेपालमा २७ सय ६७ जनाले ज्यान गुमाएका छन् । मन्त्रालयका अनुसार अहिलेसम्म नेपालमा २१ लाख ५३ हजार ६३६ जनाको पीसीआर परीक्षण गरिएको छ ।