नेपालमाला
६ पुष २०७७, सोमबार 
काठमाडौं : पछिल्लो २४ घण्टामा देशभर ७ सय ४२ जना कोरोना भाइरस (कोभिड-१९) संक्रमित थपिएका छन् भने थप ७ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार नयाँ थपिएका सहित कोरोना संक्रमितको संख्या २ लाख ५४ हजार ५१४ पुगेको छ।
काठमाडौं उपत्कामा मात्र २४ घण्टामा ३११ जना कोरोना संक्रमित थपिएका छन्। उपत्यकाका तीन जिल्लामध्ये काठमाडौंमा २३५ ललितपुरमा ५५ र भक्तपुरमा २१ जनामा कोरोना संक्रमण पोजिटिभ देखिएको छ ।
यस्तै सोमबार १ हजार ९७ जना कोरोनामुक्त भएका छन्। योसहित कोरोना जित्नेको संख्या २ लाख ४४ हजार ७४३ पुगेको स्वास्थ्य मन्त्रालयले जनाएको छ।
अहिलेसम्म कोरोनाबाट मृत्यु हुनेको संख्या १ हजार ७ सय ९५ पुगेको मन्त्रालयले जनाएको छ। हालसम्म देशभर ७ हजार ९७६ जना सक्रिय संक्रमितरहेका छन्।
आज देशभर ६ हजार ३५१ जनाको पीसीआर विधिबाट नमुना परीक्षण गरिएको छ। नेपालमा हालसम्म कुल १८ लाख ७७ हजार १८१ पीसीआर नमुना परीक्षण गरिएको मन्त्रालयले जनाएको छ।
