नेपालमाला
७ मंसिर २०७७, आईतवार 
काठमाडौं : पछिल्लो २४ घण्टामा काठमाडौं उपत्यकामा ९५७ जना कोरोना भाइरस (कोभिड-१९)का संक्रमित थपिएका छन्। काठमाडौंका ७३३ ,भक्तपुरमा ५३ र ललितपुरमा १३१ गरी ९५७ जनामा संक्रमण देखिएको मन्त्रालय प्रवक्ता डा. जागेश्वर गौतमले जानकारी दिए।
नेपालमा कोरोना भाइरस (कोभिड-१९) संक्रमितको संख्या २ लाख २० हजार ३०८ पुगेको छ। पछिल्लो २४ घण्टामा १६ सय ६९ जनामा संक्रमण देखिएसँगै संक्रमितको संख्या २ लाख २० हजार ३०८ पुगेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए।
१९ हजार ९६३ कोरोनाका सक्रिय संक्रमित छन्। यस्तै मन्त्रालयका अनुसार संस्थागत आइसोलेसनमा ६ हजार ३५१ जना र होम आइसोलेसनमा १३ हजार ६१२ जना छन्। यस्तै क्वारेन्टाइनमा ६८६ जना रहेका छन्।
मन्त्रालयका अनुसार पछिल्लो २४ घन्टामा ८ हजार ३२ नमूनाको पीसीआर परीक्षण भएको छ। आइतबार ५ हजार ६९९ जनाले कोरोना जितेर डिस्चार्ज भएका छन्। योसँगै कुल डिस्चार्ज हुनेको संख्या १लाख ९९ हजार २४ पुगेको छ।
आइसीयूमा ३५९ जनाको र ६६ जनाको भेन्टिलेटरमा उपचार भइरहेको छ। नेपालमा कोरोनाबाट १३ सय २१ जनाको मृत्यु भएको छ। आइतबार मात्रै १६ जनाको मृत्यु भएको मन्त्रालयले पुष्टि गरेको छ।
