नेपालमाला
६ मंसिर २०७७, शनिबार 
मुम्बई : बलिउडको लागुऔषध कनेक्सन कमेडियन भारती सिंहतर्फ पनि तेर्सिएको छ । नार्कोटिक्स कन्ट्रोल ब्युरो (एमसीबी)ले सिंहको घरमा शनिबार छापामा मारेको छ । सिंह र उनका पतिविरुद्ध लागुऔषध प्रयोग गरेको आरोप लागेको छ ।
एमसीबीका अनुसार अनुसन्धानका क्रममा गोप्य सूत्रले भारती सिंह र उनको पति हर्षविरुद्ध पनि बयान दिएको छ । एमसीबीले पछिल्लो समय मुम्बईको अन्धेरी, लोखन्डवालालगायत क्षेत्रमा छापा मारिरहेको छ ।
भारतीको घरमा छापा मार्नुअघि एमसीबीले अर्जुन रामपालको घरमा पनि छापा मारेको थियो । त्यहाँ ल्यापटम, मोवाइल र ट्याब्लेट बरामत गरिएको थियो । एमसीबीले अर्जुनको डाइभरलाई भने पक्राउ गरेको छ । यसैगरी बलिउड निर्माता फिरोज नाडियाडवालको श्रीमतनीलाई पनि घरबाट पक्राउ गरेको थियो ।
बलिउड अभिनेता सुशान्तसिंह राजपुतको मृत्युमा लागुऔषध कनेक्सन देखिएपछि ब्युरोले लगातार छापा मारिरहेको छ । विशेषगरी ब्युरोले बलिउड कलाकारको घरमाथि नजर बढाएको छ ।
