नेपालमाला
१९ आश्विन २०७७, सोमबार 
काठमाडौं : नेपाली राष्ट्रिय पारा तेक्वान्दो प्रशिक्षकले अन्तर्राष्ट्रिय प्रशिक्षणको प्रमाण पत्र प्राप्त गरेका छन् । विश्व तेक्वान्दो महासंघको आयोजनामा असोज १६ गते देखि १८ गतेसम्म सञ्चालन भएको चौथो विश्व पारा प्रशिक्षक प्रशिक्षण लेबल वान अनलाइन कोर्समा सहभागी नेपाली प्रशिक्षकले सो कोर्स उतीर्ण गर्दै प्रमाणपत्र प्राप्त गरेका हुन् । कोर्समा नेपालबाट कविराज नेगी लामा, आयशा शाक्य र विकेश बिडारी सहभागी भएका थिए ।
पारा प्रशिक्षण कोर्समा आयशा र विकेश पहिलो पटक पटक सहभागी भएका हुन् । कविराज भने सन् २०१६ मा दक्षिण कोरियामा आयोजना भएको पारा कोर्समा सहभागी भएका थिए । पारा प्रशिक्षक कोर्स गरेपछि कविराजले नै नेपाली पारा खेलाडीले प्रशिक्षण गराउँदै आएका छन् । उनको प्रशिक्षणमा नेपाली पारा खेलाडीले विभिन्न अन्तर्राष्ट्रिय प्रतियोगितामा सफलता हासिल गर्दै आएका छन् ।
अर्को वर्ष जापानमा हुने पारा ओलम्पिकका लागि नेपाली खेलाडीले कविराजकै प्रशिक्षणमा तयारी गरिरहेका छन् ।
