कोरोनाबाट अमेरिकामा मर्नेको संख्या ४० हजार नाघ्यो, विश्वभर एक लाख ६५ हजार बढीको मृत्यु

जेनेभा : विश्व महामारी कोरोना भाइरस (कोभिड–१९) संक्रमणका कारण अमेरिकामा ज्यान गुमाउनेको संख्या ४० हजार ६६१ पुगेको छ। गत २४ घण्टाभित्र थप १ हजार ५३४ ले ज्यान गुमाएका हुन्।

त्यस्तै २५ हजार ५११ नयाँ संक्रमण पुष्टि भएसँगै अमेरिकामा संक्रमित संख्या ७ लाख ५९ हजार ८६ पुगेको छ। जसमध्ये ७० हजार ३३७ निको भएको जोन्स हप्किन्स विश्वविद्यालयको तथ्यांकमा उल्लेख छ।

यसैगरी पछिल्लो समय रुसमा भाइरस संक्रमण तीव्र रूपमा फैलिएको छ। त्यहाँ गत २४ घण्टाभित्र ६ हजार ६० नयाँ संक्रमण पुष्टि भएको हो। यससँगै संक्रमित संख्या ४२ हजार ८५३ पुगेको छ।

पछिल्लो समय मृत्युदर घटेको स्पेनमा मर्नेको संख्या २० हजार ४५३ पुगेको छ। त्यस्तै १ लाख ९८ हजार ६७४ मा संक्रमण पुष्टि भइसकेको छ। जसमध्ये ७७ हजार ३५७ निको भएका छन्।

यसैगरी इटालीमा ३ हजार ४७ नयाँ संक्रमित थपिएका छन्। यससँगै संक्रमित संख्या १ लाख ७८ हजार ९७२ पुगेको छ। जसमध्ये २३ हजार ६६० ले ज्यान गुमाएका छन्।

चीनको वुहानबाट गत डिसेम्बरको अन्तिमदेखि फैलिएको भाइरसका कारण हालसम्म विश्वभर १ लाख ६५ हजार ६९ ले ज्यान गुमाएका छन्। त्यस्तै २४ लाख २ हजार ७६ मा संक्रमण पुष्टि भएको छ भने ६ लाख २३ हजार ९०३ निको भइसकेका छन्।

कुन देशमा कति ?

अमेरिका
संक्रमित: ७,५९,०८६
मृत्यु: ४०,६६१
निको: ७०,३४४

स्पेन
संक्रमित: १,९८,६७४
मृत्यु: २०,४५३
निको: ७७,३५७

इटाली
संक्रमित: १,७८,९७२
मृत्यु: २३,६६०
निको: ४७,०५५

फ्रान्स
संक्रमित: १,५४,०९७
मृत्यु: १९,७४४

निको: ३७,१८३

जर्मनी
संक्रमित: १,४५,१८४
मृत्यु: ४,५८६
निको: ८८,०००

बेलायत
संक्रमित: १,२१,१७२
मृत्यु: १६,०९५
निको: ४३६

टर्की
संक्रमित: ८६,२०६
मृत्यु: २,०१७
निको: ११,९७६

चीन
संक्रमित: ८३,८०५
मृत्यु: ४,६३६
निको: ७७,६९०

इरान
संक्रमित: ८२,२११
मृत्यु: ५,११८
निको: ५७,०२३

रुस