नेपालमाला
१० फाल्गुन २०७६, शनिबार 
तेहरान : इरानमा शनिबार थप एक जना कोरोना सङ्क्रमित व्यक्तिको मृत्यु भएको छ । यो सहित इरानमा कोरोना जीवाणुका कारण मृत्यु हुनेको संख्या पाँच पुगेको छ ।
इरानमा १० जना नयाँ कोरोनाका बिरामी पनि देखिएको सरकारी अधिकारीहरुले बताएका छन् । इरानमा कोरोना सङ्क्रमित व्यक्तिको संख्या २८ पुगेको छ ।
इरानी स्वास्थ्य मन्त्रालयका प्रवक्ता कियानोस जहानपौरले कोरोना सङ्क्रमणलाई नियन्त्रणमा ल्याउन सरकारले भरमग्दूर प्रयास गरिरहेको बताउनुभयो ।
पछिल्लो समय चीनमा मात्र कोरोना भाइरसको संक्रमणबाट मृत्यु हुनेको संख्या २३०० भन्दा बढी पुगिसकेको छ । चीनपछि सबैभन्दा बढी इरानमा मानिसको मृत्यु भएको हो ।
