सुनको मूल्य ४ सयले घट्यो

काठमाडौं : नेपाली बजारमा सुनको मूल्य घटेको छ। शुक्रबार तोलामा ४ सयले घटेर ७० हजार ८ सय रुपैयाँमा कारोबार भइरहेको नेपाल सुन-चाँदी महासंघले जनाएको छ। आज तेजावी सुनको मूल्य भने ७० हजार ५ सय रुपैयाँ कायम गरिएको छ।

बिहीबार सुन तोलामा ४ सयले बढेर ७१ हजार २ सय रुपैयाँमा कारोबार भएको थियो।

यस्तै चाँदी तोलाको ८४० रुपैयाँमा कारोबार भइरहेको छ।बिहीबार चाँदी सोही मूल्यमा बिक्री भएको थियो।