नेपालमाला
२५ आश्विन २०७८, सोमबार 
काठमाडौं : नेपाली लेग स्पिनर सन्दीप लामिछानेले आईसीसी प्लेयर अफ द मन्थ अवार्ड जितेका छन् । लामिछानेले पुरुषतर्फ सेप्टेम्बर महिनाका लागि प्लेयर अफ द मन्थको अवार्ड जितेका हुन् ।
मतको आधारमा लामिछानेले बंगलादेशका नासुम अहमद र अमेरिकाका जसकरण मलहोत्रालाई पछि पारेका हुन् । सन्दीपले सेप्टेम्बर महिनामा आईसीसी क्रिकेट विश्वकप लिग-२ को ६ खेल खेल्दै १८ विकेट लिएका थिए ।
उनले उक्त पपुवा न्यूगिनीविरुद्ध ३५ रन खर्चेर ४ विकेट तथा ११ रन खर्चेर ६ विकेट हात पारेका थिए भने ओमानविरुद्ध १८ रन खर्चेर ४ विकेट चटकाएका थिए । महिलातर्फ भने इंग्ल्यान्डका कप्तान हिथर नाईटले सो अवार्ड हात पारिन् । उनले आफ्नै देशकी चार्ली डिन तथा दक्षिण अफ्रिकाकी लिजेली लिलाई पछि पारिन् ।
