हराएको गोरखाको बस झ्याप्लेखोला पहिरोमा भेटियो

‘एक्साभेटरले पहिरो खोतल्ने क्रममा बसको छतको डण्डीमा बसका चालक मदन परियारको नंबर देखिएको छ भनेर साथीले खबर गर्नुभएको छ । फोटो पनि पठाइसक्नु भएको छ’, भट्टले भने, ‘गाडीभित्र रहेका मान्छेहरुको बारेमा यसै भन्न सकिएन । अहिले काठमाडौँमा रहेका यातायात व्यवसायी र मजदुर साथीहरु घटनास्थलमा आइसक्नु भएको छ । हामी पनि त्यता जाने तयारी गर्दैछौँ ।’

धार्चे गाउँपालिका ७ लापुवेशीबाट गत शुक्रबार काठमाडौँका लागि छुटेको सो बस तीनदिनदेखि सम्पर्कबिहिन थियो । सो बसमा बसका धनी तथा चालक भिमसेनथापा गाउँपालिका ४ धावाका मदन परियार र चालक दलकै फुजेलका नवराज तिवारी र धावाकै विनय भट्टराई थिए । साथै धार्चेका एकजना यात्रु सुक गुरुङ रहेका थिए ।