नेपालमाला
२४ फाल्गुन २०७८, मंगलवार 
काठमाडौँ — बलिउड अभिनेत्री आलिया भट्टले हलिउड फिल्म खेल्ने भएकी छन् । नेटफ्लिक्सको आगामी स्पाई थ्रिलरमा आलिया गल गडोट र जेमी डोर्रनानसँगै देखिनेछिन् ।
अन्तर्राष्ट्रिय सञ्चारमाध्यमहरुले जनाए अनुसार टम हार्परको निर्देशनमा बन्न लागेको फिल्म ‘हार्ट अफ स्टोन’बाट आलियाले हलिउड डेब्यु गर्नेछिन् । हार्पर वेब सिरिज ‘पिकी ब्लाइन्डर्स’, ‘वार एन्ड पिस’ र फिल्म ‘वाइल्ड रोज’का लागि चर्चित छन् । आलियाले सन् २०१२ मा करण जोहरको ‘स्टुडेन्ट अफ दि इयर’मार्फत बलिउडमा डेब्यु गरेकी थिइन् ।
‘टु स्टेट्स’, ‘हम्प्टी शर्माकी दुल्हनियाँ’, ‘हाइवे’, ‘गल्ली ब्वाई’, ‘उड्ता पञ्जाब’ लगायतका फिल्म खेलेर चर्चित आलियाको हालैमात्र ‘गंगुबाई कठियावाडी’ हालै प्रदर्शन भइरहेको छ ।
‘गंगुबाई काठियावाडी’मा आलिया भट्टले महिला ग्याङ स्टारको भूमिका निर्वाह गरेकी छन् । यौनकर्मी महिलाको भूमिकामा देखिने गंगुबाई पछि अन्डरवल्र्ड डन बनेकी छन् । आलिया पहिलो पटक अन्डरवल्र्ड डनका रुपमा चलचित्रमा देखिएकी हुन् । यसैगरी अजय देवगनले भने यस चलचित्रमा गुण्डाको भूमिका निर्वाह गरेका छन् । यो चलचित्र गंगुबाई काठियावाडीको कथा ‘द माफिया क्विन अफ मुम्बई’मा आधारित छ । यो पुस्तक हुसेन जैदीले लेखेका हुन् ।
